Ha ka jing ï aid lynti kum ki khristan ym baroh ki aiom kin long kiba dap da ka jingkmen bad ka jingsuk. U Dabid ruh u shem ï alajong ha kajuh ka apot haba u ong, “Tad lano ngan shu pyrkhat ha la ka mynsiem, ka jingsngewsih ka da don ha ka dohnud jong nga baroh shi sngi?” (Salm 13:2a). Kane ka Salm kaba 13 ka pyni kumno ba u Dabid u ï aid ï a ka lynti kaba dum kum u khun jong u Blei. Naduh ka dkhot kaba 1 haduh kaba 4, ngi ï ohi ba u Dabid u wad ï a ka jubab na u Blei namar ki jingeh kiba u ï akynduh ha sawdong ka jingim jong u. Hynrei, sngewtynnad pat ba u Dabid hapdeng ki jingeh u ong, “ngan rwai ha U Trai, namar u la leh kylluid ïa nga.” (Salm 13:6). U Dabid u kynmaw ï a ki jinglehbha u Blei mynshuwa bad u kyrmen ba kan jia long kumjuh mynta. Namarkata, ha ka jingim Khristan haba ki jingeh ki wan, ngim pynshong nongrim ï a ka jingim tang ha ka mynta, hynrei ngi pynshong nongrim ruh ha ki kambah kiba u Blei u leh mynshuwa; da kaba ngeit skhem ba un leh kumjuh mynta. Ha kano kano ka...