“Jar uba long uba lah ban shaniah ha iba khyndiat eh, u long uba lah ban shaniah ha kaba shibun ruh...” Lukas 16:10 Baroh ngi kwah ban poi sha kliar ki lum jong ka jingim, hynrei, phewse kiba bun na ngi ngim poi sha kata ka thong. Ngi hap ban kylli jingkylli, balei ka long kumta. Ka jingkylli ia ngi ka long, hato U Blei u lah ne em ban shaniah ia ngi ha ki kam kiba rit tam jong ka jingim? Lada ngi kwah tang ki kam kiba khraw ha ka pyrthei hynrei ia ki kam kiba rit ngi kyntiat, ngi long ki shakri ki bymhok. U Blei um khang ia kiba kwah ban long nongialam, ban don ka spah ka phew, ne kano kano ka bha ha ka jingim, hynrei kadei ban long da ka lynti kaba khuid kaba suba, kaba wanrah burom ia U Blei ha ka imlang ka sahlang. Namarkata, ha ka Bible hi, ka lynti shajrong ka long ban ngin hiar shuwa shapoh, lymda kumta, watla ngi poi sha kliar ki lum jong ka jingim, ngi long kiba suda, namar U Blei um don lem ban ngi hangta. PC: https://www.pexels.com/photo/silhouette-of-mountains-132...